← Torna a Naschid'est
19 dicembre · Brano 4 di 9
Candh'es nadu Gesùs in sa grutta
Quando è nato Gesù nella grotta
Quando è nato Gesù nella grotta, dall'alto è disceso volando uno stuolo di angeli sfolgoranti, e la casa è parsa accesa di luce.
Candh'es nadu Gesùs in sa grutta,
es faladu de altu un'istolu
de Anghèlos lughentes a bolu,
chi sa domo ndh'es pàrfida allutta.
E cantaian cun suavidade:
«In chelu a Deu gloria,
e in terra vittoria
a ogn'omine de bona voluntade!»
Sos pastores ancora, lassendhe
in pastura sas amas tranchiglias,
accudian: a sas meraviglias
in benujos restàn adorendhe.
E naraian in coros issoro:
«Ah, semus poveritos!
ma roccas e granitos
diamus cherrer dare fattos d'oro!»
Sighid'han sos tres Res d'oriente
infilados infattu a s'istella:
de sa grutta formadu han cappella,
atterrados preghendhe umilmente.
E naraian: «Eccodi cant'hamus:
inzensu, mirra e oro...
Ma ti damus su coru,
e cun tegus in sinu no ch'andhamus!»
E Maria, cun s'anima in lughe,
cuntemplendhe sas poveras vestes
indoradas de rajos celestes,
in su Monte miràt già sa Rughe...
Sos mutos li naschian che fiores:
«Fizu, tesoro meu,
t'attires, cale Deu,
totu sos coros, totu sos amores!»
E Zuseppe, 'isendhe lontanu
sa buttega lassada in reposu,
murmuttàt: «Fizigheddhu amorosu,
m'has a dare unu colpu 'e manu.
E t'hap'a narrer: «Fizigheddhu, afferra
raspa e marteddhu: umpare
potemus consolare
totu sos poveritos de sa terra!»
Testo: Can. Pietro Casu · Musica: Can. Agostino Sanna · Berchidda, 1927