Nella povera capanna di Betlemme è nato nella notte più lunga l'alto Re del cielo.
Naschidu est in sa cabanna
poveritta de Bellè,
in sa notte pius manna
de su chelu s'altu Re.
«Gloria! gloria!» cantan in chelu
lughidos Anghelos pro s'altu Re.
«Paghe e vittoria!» s'has bonu zelu,
anima povera, cantan pro te.
E in giru a sa domitta
de anghèlos si falàt
una truma beneitta,
chi 'olendhe s'allumàt.
E benian sos pastores
incantados, cre-no-crè:
e in cussos risplendhores
appuntàn lestros su pè.
E naràd ognunu in coro:
«Bambineddhu, inoghe so!
No ti atto prata e oro:
but cust'anima ti do!»
E tuccàn de s'oriente
cun s'istella sos tres Res:
l'adoràn devotamente:
«Re divinu, inoghe ses?!»
E abbertu su tesoro,
liberales li donàn
cun inzensu mirra e oro,
e cuntentos si ch'andhàn.
E Zuseppe cun Maria,
luminosos totu in sè,
li naràn in allegria:
«Fizu, totu hamus pro Te!»
Testo: Can. Pietro Casu · Musica: Can. Agostino Sanna · Berchidda, 1927